„Eyescapes“: Уникатни фотографии ја прикажуваат свадбата низ очите на гостите

Очите се огледало на душата, но за фотографот Питер Адамс-Шван тие се огледало на најубавите моменти од свадбените прослави. Талентираниот Австралиец го овековечува најсреќниот ден од животот на паровите низ очите на нивното семејство и пријателите.

Питер на уникатен начин ги „лови“ сите важни моменти од свадбите, од подготовките до кажувањето на судбоносното „да“, како рефлексија во очите на гостите. Тој ја направил својата прва „eyescape“ фотографија во 2011 година, но дури во 2014 година започнал да ја развива својата техника. Сега му се потребни само две минути за да ја направи совршената фотографија.

Делата на Адамс-Шван се толку совршени и уникатни што многумина сметаат дека тој користи фотошоп и еднаш бил исклучен од натпревар, за што подоцна добил извинување.

Тој вели дека тајната за подобри фотографии е во насмевката. „Моја тајна е дека најдобрите кадри што сум ги уловил биле од субјект кој се смее“ – пишува тој.

Питер во моментов експериментира со рефлексии на балони, што ќе биде негов следен проект.

Видео