Здружението за заштита на авторските музички права (ЗАМП) објави листа со топ 10 најкористени музички дела за 2017 година.
Влатко Лозановски си обезбеди две места. Благодарение на хитот „Мандарина“ Лозано го освои првото место, додека третото место нему му припадна за песната „Жена како ти“.
Втора најслушана песна минатата година беше „Оди ѕвездо“ од Наум Петрески.
Магдалена Цветкоска со „На врв и на дно“ го зазеде четвртото место, а следуваа „Туѓа си бескрајно“ на Ефто Пупиноски, „Десет лета“ на Даниел Кајмакоски, „Не е фер“ на Дарко Илиевски, „Доживотно“ на Елена Ристеска и „Дојди“ на Викторија Лоба. Десеттото место остана за „Луд сум по тебе“ на Александар Тарабунов.
Само песните „Дојди“ на Лоба и „Луд сум по тебе“на Тарабунов се издадени во 2017 година. Еве ги хитовите:
Мандарина
Оди ѕвездо
Жена како ти
На врв и на дно
Туѓа си бескрајно
Десет лета
Не е фер
Доживотно
Дојди
Луд сум по тебе
ЗАМП ја составува оваа листа врз основа на податоците од системот за електронско евидентирање и следење на емитувани авторски дела, кој е воведен кај радио-телевизиските организации.