Ева Мендез и Рајан Гослинг пред помалку од три месеци станаа родители. Славниот пар се труди максимално да го зачува приватниот живот подалеку од љубопитните медиуми, па изненадувачки е што Мендез одлучи отворено да зборува за мајчинството.
40-годишната актерка позираше за „театарски“ едиторијал за „Violet Grey“, а за време на интервјуто открила дека нема бебиситерки и дека е преморена како сите нови мајки. „Изморена сум како нова мајка. Засега немам бебиситерка, но ја разгледувам идејата да имам бебиситерка во иднина. Есмералда има две прекрасни баби и неверојатни тетки кои доаѓаат и навистина ми помагаат“ – рекла таа.
„Мислев дека моите луди ноќи останаа во минатото, но овие се едни од најлудите ноќи кои некогаш сум ги имала“ – додала среќната мајка.
Ќерката на Мендез и Гослинг се вика Есмералда Амада, а инспирацијата за името доаѓа од литературното дело „Ѕвонарот на Богородичната црква во Париз“. „И двајцата го сакаме ликот Есмералда од романот „Ѕвонарот на Богородичната црква во Париз“ на Виктор Иго и сметаме дека тоа е убаво име. Нејзиното средно име е Амада, така се викаше баба ми. На шпански значи сакана“ – објаснила Мендез.
Фотографиите ги потпишува Ема Самертон.