Ева Лонгорија е среќна и посветена мајка. 44-годишната актерка не се разделува од синчето Сантијаго ниту кога чекори на црвениот тепих, ниту кога ги извршува своите работни обврски.
Ѕвездата од „Очајни домаќинки“ сними фотосесија за „Haute Living“ и во интервјуто зборуваше за мајчинството.
„Мајчинството ме промени во секој поглед. Сè е поразлично. Ти веќе не си центарот на твојот универзум. Сега, сè се врти околу него и неговиот распоред и неговите потреби. Мојата прва година како мајка беше токму онаква каква што треба: беше убаво и магично. Но, ништо не ме изненадуваше... Знаев дека ќе бидам уморна. Знаев дека ќе биде тешко“ – вели Лонгорија.
„Ги средувам работите ден по ден, многу сум ефикасна. Нема минута во денот која не ми е испланирана – дури и играњето со син ми. Велам: ‘Ќе си играм со Санти од 4 до 7 пред да оди во кревет’. Закажувам сè – дури и медитацијата. Добро функционирам на тој начин, знам точно каков ќе ми биде денот и тоа ми влијае терапевтски. Кога имаш дете, мора да правиш сè точно на време. Мораш да се вратиш дома пред да си легне, за да го искапиш и да бидеш со него во текот на ноќта. Сакам да бидам покрај него наутро кога ќе се разбуди, па закажувам состаноци врз основа на тоа“ – објаснува таа.
„Среќна сум што имам работа со која можам да го носам со себе. Го носам во канцеларија, на сет, зад камерите. Тој е со мене од првиот работен ден. Навистина добро ги балансирав работата и мајчинството бидејќи имам работа која ми го овозможува тоа“ – додала шармантната филмска ѕвезда.
За фотосесијата, Ева носи креации од брендови како Dior, Fabiana Milazzoи Atelier Le Lis.
