Ева Лонгорија во моментов е на промотивна турнеја за нејзиниот нов филм „Dora and the Lost City of Gold“. Во текот на вчерашниот ден посветен на новинарите, шармантната актерка блесна во четири модни комбинации.
За гостувањето во „The Daily Show“, 44-годишната ѕвезда од „Очајни домаќинки“ избра креација од колекцијата пролет 2019 на дизајнерот со македонско потекло Тони Матичевски.
Во шоуто на „Today“, Ева пристигна во темнозелен фустан, која ја оцртуваше нејзината фигура. Фустанот доаѓа од модниот бренд Greta Constantine, а сандалите ги потпишува дизајнерот Џанвито Роси.
Подоцна, таа се пресоблече во бела креација од колекцијата пролет/лето на Витор Зербинато. Во тој сегмент од шоуто, нејзе ѝ се придружи и нејзината колешка Изабела Монер, која во филмот ја има улогата на Дора.
Ева и Изабела подоцна беа дел од шоуто „Strahan and Sara“. За таа прилика, Ева избра црна модна комбинација.
„Dora and the Lost City of Gold“ ќе започне да се прикажува на 9 август.