Ерлинг Халанд со девојката Изабела на ревија на Долче и Габана пред одморот на луксузна јахта
Ерлинг Халанд накратко ги замени копачките со елегантна облека и се појави на престижната ревија на Долче и Габана, а потоа уживаше во одмор на луксузна јахта покрај брегот на Сицилија.
На модното шоу, на кое беше претставена колекцијата Alta Sartoria во античкиот театар во Таормина, норвешкиот фудбалер пристигна со својата долгогодишна девојка Изабела Јохансен, со која има син.
Халанд избра впечатлив бел свилен костум и темни очила за сонце, додека Изабела блесна во раскошен фустан украсен со кристали и светки. Парот ги усогласи своите модни комбинации и беше меѓу најфотографираните гости на вечерта.
По елиминацијата на Норвешка, Халанд ја искористи летната пауза за краток одмор. Тој беше фотографиран како ужива на луксузна јахта, а не ја пропушти ни можноста за возење џет-ски.
Халанд веќе неколку години е амбасадор на Долче и Габана и често се појавува во креации на италијанската модна куќа. Познат е и по својата љубов кон луксузните модни додатоци и богатата колекција чанти, а големо внимание привлече и по враќањето од СП, кога на аеродромот се појави со впечатлива голема чанта токму од Долче и Габана.
Халанд и Изабела се познаваат уште од детството, кога заедно тренирале во истата фудбалска академија во нивниот роден град Брине. Пријателството со текот на годините прерасна во љубов, а денес важат за еден од најстабилните спортски парови.
Во декември 2024 година станаа родители на своето прво дете.