Емоции и овации: Настапот на Лејди Гага и Бредли Купер со „Shallow“ на гламурозната сцена на Оскар

На доделувањето на Оскарите, Лејди Гага и Бредли Купер ја изведоа во живо популарната песна „Shallow“, која на Гага ѝ ја донесе првата златна статуетка.

44-годишниот актер и режисер и 32-годишната пејачка и актерка пееја на гламурозната сцена пред бројната публика, а на крајот добија овации и громогласен аплауз. „Shallow“ тие која ја снимија за нивниот заеднички филм „A Star Is Born“

Многумина коментираа за силната хемија помеѓу Бредли и Гага, па со тоа се јавија шпекулациите дека се заљубени еден во друг.

Ирина Шајк од првиот ред го следеше настапот на својот сакан, а потоа со бакнежи и прегратки им честиташе на двајцата.

Лејди Гага ја прими статуетката за Најдобра оригинална песна и со солзи во очите одржа емотивен говор на сцената, во кој му се заблагодари на Бредли.

Песната Гага ја напиша во соработка со Марк Ронсон, Ендру Вајат и Антони Росомандо.