Емили Блант во бела креација со волуменозни ракави покрај сопругот на премиерата на „Mary Poppins Returns“

Дадилката Мери Попинс се враќа на големото платно. Синоќа, во Лос Анџелес премиерно беше прикажан филмот „Mary Poppins Returns“.

На црвениот тепих, Емили Блант зачекори во бела креација со волуменозни ракави од модната куќа Yanina, обувки од Loriblu и накит од Stephen Webster. 35-годишната актерка, која ја има главната улога на Мери Попинс во филмот, беше придружувана од сопругот Џон Красински, кој беше облечен во костум од Prada.

„Искрено, тоа е еден од најубавите филмови.“

„Кога првпат го гледав филмот и ни дадоа кутија со салфетки во кино салата, си помислив: ‘Тоа е љубезно од ваша страна, но не сум настинат’. Потоа филмот започна да се прикажува и 25 минути подоцна... не можев да престанам да плачам. Плачев толку многу што ја испразнив кутијата со салфетки, потоа преминав на салфетите и кога ми снема салфети, на ред беше блузата“ – неодамна изјави Красински за емоциите кои му ги разбудил филмот.

„Mary Poppins Returns“ ќе започне да се прикажува на 19 декември, а пред тоа гледајте го трејлерот за филмот.

Трејлер за „Mary Poppins Returns“