Ема Вотсон знае како да се издвои од останатите гости за време на свечените настани.
На доделувањето на наградите „Жена на годината“ во Лондон, организирано од Harper’s Bazaar, 26-годишната актерка блесна во невообичаена креација од колекцијата пролет/лето 2017 на Диор.
На манифестацијата, Ема ја доби наградата „Инспирација на годината“ од познатото списание, а ѝ беше врачена од продуцентот на „Harry Potter“ Дејвид Хејмен. Младата филмска ѕвезда им ја посвети наградата на сите жени кои се поддржуваат една со друга.
Главната награда „Жена на годината“ ја доби британската Олимпијка Лора Трот, Донатела Версаче беше прогласена за „Модна икона“, Кира Најтли ја освои статуетката за „Театарска икона“, а Роузи Хантингтон-Вајтли се закити со титулата „Бизнисменка на годината“.
