Ема Вотсон го започна модниот маратон за промовирање на филмот „Убавицата и ѕверот“. Англиската актерка, која ја има главната улога во новата филмска авантура на Дизни, мамеше погледи на премиерата во Лондон.
За свеченоста во британската метропола, 26-годишната ѕвезда избра светлосин фустан со долга наметка од Емилија Вествик.
Вотсон е посветена на еко-мода, па секоја креација која таа ќе ја носи за време на промоциите ќе биде од обновливи материјали.
На премиерата присуствуваа и нејзините колеги од филмот – Ден Стивенс, Лук Еванс, Ема Томпсон, Стенли Тучи и Ијан МекКелен.
Филмот, режиран од Бил Кондон, ќе започне да се прикажува во киносалите на 17 март.
