Елегантно семејство: Кристијано Роналдо со вереницата Џорџина и синот на настан во Дубаи каде доби награда

Џорџина Родригез и Кристијано Роналдо привлекоа големо внимание на церемонијата Globe Soccer Awards која се одржа во Дубаи. 

31-годишната вереница на фудбалската ѕвезда блесна во елегантна, припиена црна креација со светкав ефект. Фустанот со долги ракави од ALAÏA, кој чини 4,750 долари, Родригез го надополни со дијамантски накит, меѓу кој и вереничкиот прстен кој се проценува на 3 милиони долари.

На раката таа носеше ексклузивен часовник од Chopard изработен од 18-каратно бело злато и украсен со дијаманти, чија вредност се проценува на повеќе од 180.000 долари.

Кристијано Роналдо на церемонијата беше награден како Најдобар фудбалер во Средниот Исток за 2025 година, а Џорџина сподели неколку фотографии на социјалните мрежи на кои позира заедно со него и неговиот син, Кристијано Џуниор.

„Globe Soccer Awards 2025 со моите љубови“ - напиша таа под објавата.