Елегантни на црвениот тепих: Актерот Борче Начев со сопругата модно усогласени на „Браќа Манаки“ во Битола

Како дел од екипата на „Нема да ви се верува што се случи претходно“, Борче Начев присуствуваше на премиерата на филмот во рамките на Филмскиот фестивал „Браќа Манаки“ во Битола.

На завршната вечер, 43-годишниот актер беше придружуван од својата сопруга Александра. Парот на црвениот тепих зачекори во модно усогласени елегантни стајлинзи.

Начев избра црно одело со суптилен кариран дезен, бела кошула и впечатлива зелена машна. Класичниот изглед го освежи со бели патики и зелено палто.

Александра избра долга црна сатенска тоалета со асиметричен крој и впечатлива цветна апликација во сребрена, златна и зелена боја. Црните салонки, минималистичкиот накит и собраната коса го заокружија нејзиниот софистициран изглед.

Борче и Александра заедно имаат две ќерки, Дениција и Леона.