Меланија Трамп повторно привлече комплименти со стилот на облекување. Првата дама на САД избра твид фустан за средбата со тајландскиот премиер Прајут Кан-ока и неговата сопруга во Белата куќа.
Креацијата, која чини 3.000 долари и е дело на британската модна куќа Александар МекКвин, 47-годишната сопруга на Доналд Трамп ја надополни со салонки од Кристијан Лобутин.
Меланија и Доналд, заедно со американскиот потпретседател Мајк Пенс и неговата сопруга Карен, со едноминутно молчење им оддадоа почит на жртвите во масакрот во Лас Вегас.
