Моника Белучи присуствуваше на неколку свечености во рамките на Канскиот филмски фестивал.
Италијанската убавица пленеше на црвениот тепих по повод премиерата на нејзиниот најнов филм „Les Plus Belles Annees D'Une Vie“ (The Best Years of a Life). Елегантниот фустан од Диор таа го надополни со впечатлив накит со дијаманти и смарагди од Cartier.
На прес настан, 54-годишната актерка носеше црна креација од Александар Воте и чевли од Кристијан Лобутин.
На свечената вечера организирана од Мајкл Корс, Едвард Енинфул и Чарлс Финч, Белучи беше придружувана од Николас Лефевре со кого е во врска половина година. Нејзиниот стајлинг вклучуваше фустан од Мајкл Корс и „лобутинки“.
За гламурозната забава на Диор на француската ривиера, шармантната ѕвезда избра шарен макси фустан од колекцијата ресорт 2020 на Диор додека Николас беше облечен во бежов костум.
