Јована Јоксимовиќ привлече многу погледи на овогодишното 25. издание од Светосавскиот бал во Виена.
42-годишната водителка го придружуваше својот сопруг Жељко, кој настапи на сцената во палатата Хофбург. Убавата Србинка носеше долга бела тоалета од дизајнерот Стефан Ѓоковиќ, а својот изглед го надополни со впечатлив црвен кармин.
Жељко носеше црн костум, бела кошула и црна лептир машна.
„Чест ми е што со своето присуство ја воздигнавме оваа раскошна свеченост, уживавме во спектакуларната програма и сите заедно обезбедивме значајна донација за Центарот за Даунов синдром од Бања Лука“ – напиша српскиот пејач на Instagram и сподели видео од настанот.
Јована и Жељко за првпат се појавија заедно на јавен настан во септември 2008 година, а во јануари 2012 година стапија во брак на Малдиви. Нивното прво дете се роди во април 2014 година, а парот доби близначки во октомври 2017 година.
ФОТО: Instagram: Zeljko Joksimovic, Jovana Joksimovic, Serbisches Zentrum