Џамбатиста Вали создаде екстравагантна колекција за H&M.
53-годишниот дизајнер, познат по ултра женствените силуети и креациите со тул, ја најави соработката со популарниот шведски бренд на хуманитарната гала amfAR во мај годинава, каде Кендал Џенер, Кијара Ферањи, Бјанка Брандолини, Крис Ли и H.E.R. носеа креации од колекцијата.
Кендал е и ѕвездата во кампањата.
Сите модели од „Giambattista Valli x H&M“ ќе започнат да се продаваат во продавниците низ целиот свет и онлајн на 7 ноември.
Погледнете дел од нив:
„H&M ми даде можност да ѝ ја пренесам на широка публика мојата визија за стил и моето славење на убавината. Целта е да ја раширам мојата љубов за убавината и да можам да бидам ден од ‘среќните моменти’ на сите, да помогнам при создавањето љубовни приказни низ целиот свет“ – изјави Вали за соработката со H&M.
„Поласкани сме што соработувавме со Џамбатиста Вали. Неспорно е дека тој е мајстор за висока мода со дарба за впечатливи силуети. Тоа што можеме да им ги понудиме на нашите клиенти стиловите со негов потпис е остварување на нашиот сон. Со нетрпение чекаме да ги видиме нивните реакции за оваа прекрасна колекција“ – велат од брендот.
