Милијардерот Самвел Карапетјан не штедеше при организирањето на свадбата на својот син. Рускиот бизнисмен им подари на Саркис Карапетјан и неговата избраничка Саломе Кинцурашвили волшебна прослава.
Свеченоста се одржа во московскиот ресторан „Сафиса“, а на неа присуствуваа 500 гости. Магичните декорации инспирирани од Дизни, импресивните фустани на невестата, огромната торта и музичките ѕвезди ги одушевиле сите присутни.
Невестата носеше блескава креација од Ели Сааб и тијара од Tiffany & Co.. Само тијарата се проценува дека чини 200.000 долари. На ѕидовите на грандиозната сала беа поставени фотографии од младенците. За таа фотосесија, невестата носеше венчаница од Александра Рич. Третата венчаница Саломе ја облече додека ги забавуваше гостите со традиционален танц.
Меѓу многуте музички ѕвезди беше и Maroon 5. Славниот бенд се шпекулира дека добил 500.000-800.000 долари за да настапи на свадбата.
Видеа
Очигледно во Русија екстравагантните свадби не се реткост. Пред три месеци светот го обиколи веста за луксузната свадба на синот на милијардерот Михаил Гуцериев.