Едина Муса и Александар Димитровски-Мачка ги бројат деновите додека да го добијат своето прво заедничко дете.
Поранешните македонски кошаркари снимија фотосесија пред нивното малечко чедо да дојде на овој свет.
33-годишната спортистка, која е во 40-тата недела од бременоста, позираше со разголен стомак додека нејзиниот сакан нежно ја галеше. На фотографиите се појавува и нивното куче.
Парот очекува синче кое ќе се вика Максим.
„Ова не се само слики…ова се моменти кои ќе бидат врежани во мене се до крајот на животот… Ова е почеток на нов живот за мене и мојот Максим“ – напиша Муса.
Ова ќе биде прво дете за Муса, додека Александар има уште две деца од бракот со Тамара Тодевска.