„Еден датум, две приказни, едно срце полно љубов“: Пере од Нокаут емотивен на роденденот на две сакани личности

Никола Перевски-Пере сподели емотивна порака по повод два значајни родендени во семејството, 75-тиот роденден на татко му и 19-тиот роденден на ќерка му Каја.

Пејачот од Нокаут откри дека неговиот татко е поранешен професионален боксер во „Слобода“ Тузла и му бил спаринг партнер на легендарниот Маријан Бенеш, но дека е и човек кој имал големо влијание врз неговиот музички пат.

Посебно емотивни зборови Пере имаше за пораснатата ќерка Каја, која ја опиша како негова радост, гордост и голема љубов.

Денес славам две големи љубови во мојот живот, 75 години на мојот татко и 19 години на мојата Каја.

Тато-архитект, поранешен професионален боксер на „Слобода“, Тузла ,спаринг партнер на Маријан Бенеш и човекот поради кого „Нокаут“ кај мене отсекогаш бил музички, а не боксерски.

Каја, мојата радост, моето второ девојче меѓу четирите ќерки, моја гордост и љубов.

Среќен 75-ти роденден тато.
Среќен 19-ти роденден Каја.

Еден датум, две приказни, едно срце полно љубов.

Пере има четири ќерки – Миа, Каја, Софи и Ирис.