Ѕвездите од „Fast and Furious“ со емотивни пораки на денот на раѓањето на прерано починатиот Пол Вокер
Пол Вокер нè напушти прерано, а ако беше жив, тој вчера ќе го славеше својот 43. роденден. Колеги на Вокер од филмовите „Fast and Furious“ на социјалните мрежи објавија емотивни пораки на денот на раѓањето на својот сакан пријател и почитуван соработник.
Вин Дизел, кој по Пол ја крсти својата мала ќеркичка Паулина, на Instagram објави колаж со фотографии од среќните моменти со славниот актер. „Среќен роденден Пабло“ – напиша тој. Пабло е прекарот со кој нагалено му се обраќал на Пол во приватниот живот.
Помалиот брат на Пол, Коди, сподели стара фотографија на Twitter и напиша: „За човекот кој влијаеше на мојот живот и на она што сум. Те сакам и ми недостигаш секој ден. Среќен роденден“.
To the man that influenced my life and who I am. I love and miss you everyday, Pdub. Happy birthday @RealPaulWalker pic.twitter.com/2BNrCc4duE
— Cody Walker (@codywalkerroww) September 12, 2016
Џордана Брустер, која во филмот глумеше девојка на Вокер, на фотографија со познатиот актер напиша: „Среќен роденден Пол. Ќе те сакам, секогаш“.
„Среќен роденден на еден ангел. Неверојатно е колку многу влијаеше на нас, а беше на Земјата физички само 40 години. Љубовта која сите ние ја имаме за Пол укажува на само едно нешто – никој не може навистина да умре, сè додека живее во нашите срца и засекогаш е во нашите мисли. Среќен роденден на нашата фамилија и на нашиот брат. Ве молам испратете ги вашите молитви и вашата љубов на семејството на Вокер и на неговата ќерка. Овие денови не се воопшто лесни за нив, ниту пак за нас кои навистина го познававме и сакавме“ – е пораката на Тајрис Гибсон.
Ѕвездата од „Fast and Furious“ почина пред три години во сообраќајна несреќа во Санта Кларита, Калифорнија, во која животот го загуби и неговиот пријател Роџер Родас.