Во рамките на спектаклот „Силно светнал ден“, организиран по повод 35 години независност на Македонија, Битола беше домаќин на музичка вечер исполнета со носталгија и македонски хитови.
Особено емотивен дел од манифестацијата беа изведбите на песни од Тоше Проески, чии безвременски хитови и денес живеат во срцата на публиката.
Огнен Здравковски ја отпеа „Твоите бакнежи на моите бели кошули“ додека публиката го создаде познатото „ѕвездено небо“ за нашиот ангел.
Александар Тарабунов, Мина Блажев, Марија Спасовска, Дорис Ди и Бојан Стојков ја подигнаа атмосферата со забавната „Морска ѕвездо“, а потоа на сцената се појави Дарко Гроздановски кој ја трогна публиката со изведбата на „Игри без граници“.
