Пред помалку од 10 дена Леона Луис и Денис Јаух стапија во брак на идилична свадба во винаријата на Стинг во Тоскана, Италија. На свадбената прослава, на имотот кој датира од 16-тиот век, присуствувале 180 гости.
34-годишната пејачка изгледаше прекрасно во романтична венчаница од израелската дизајнерка Мира Звилингер.
Пред неколку часа, Леона ја објави првата фотографија од свадбата и напиша: „Ќе го ценам овој ден целиот мој живот. Пред 9 години, овој неверојатен маж влезе во мојот живот, а изминатиов викенд рековме „Да“ опкружени од луѓето кои ги сакаме. Од нашата вечера во фамилијарен стил во винаријата во Тоскана до нашата церемонија во малата капела која нè штитеше од бурата надвор, до сите ноќи поминати во пеење и танцување... Секој момент беше подарок на љубов“.
Ексклузивно право на фотографиите од свадбениот ден има списанието Hello!, за кое Леона изјави: „Тоа беше најубавиот ден, исполнет со љубов. Беше многу специјално што можевме да ги собереме на едно место сите што ги сакаме. Имаше многу солзи“.
Видео
30-годишниот кореограф и танчар ја запроси Леона во ноември минатата година.
