Дупер и Јанг Дади со нов хит: Македонските музичари во бокс ринг за девојка во спотот за „Претера“
Пристигна ново раздвижување на македонската музичка сцена. Дупер и Јанг Дади подготвија изненадување кое веќе е на добар пат да стане летен хит.
Момците од Дупер, Борис Какуринов и Илчо Нечовски и актуелниот музичар Јанг Дади го објавија спотот за нивната прва заедничка песна.
„Нема место на естрада за сите“ – вака Дупер шеговито го најавија спотот за „Претера“, кој е фокусиран на физичка пресметка на Илчо и Дади во боксерски ринг.
Музиката е на Илчо Нечовски, Давид Даниловски, Борис Какуринов и Андреј Николов, а текстот го потпишуваат Давид Даниловски, Борис Какуринов, Илчо Нечовски и Андреј Николов.