Дружба мајка-ќерка: Криси Тиген имаше ретко појавување на јавен настан со слатката ќеркичка Луна

Криси Тиген помина квалитетно време со ќеркичката Луна на моден настан во Беверли Хилс.

40-годишната манекенка се појави на престижните модни награди The Daily Front Row во друштво на 10-годишното девојче и веднаш го привлече вниманието на присутните.

Криси носеше елегантен бел костум комбиниран со бронзен топ, додека малата Луна изгледаше неодоливо во црно фустанче. Тие седеа во првиот ред на настанот и уживаа во атмосферата.

Луна, која Криси ја има со пејачот Џон Леџенд, веќе ги покажува своите таленти. Освен тоа што посетува часови по пијано, има и љубов кон пеењето, но нејзините родители велат дека сè уште го прави тоа од забава.

Покрај Луна, познатиот пар има уште три деца, Мајлс, Ести и Рен.