Девојка, која некогаш тежела 101 килограм, успеала да стопи 32 кг и целосно да го трансформира својот изглед.
25-годишната Кили Фарар од Бедфорд, Англија, пред големата трансформација се хранела само со кинеска храна, хамбургери, чипс и чоколадо. Сепак, не ни помислувала дека на 21-годишна возраст ќе тежи над 100 килограми. „Ми се чинеше како да сум заглавена во рутина. Си помислив дека ќе останам таква цел живот. Но, откако изгубив дел од мојата тежина, сфатив дека можам да се променам“ – изјавила таа.
Со упорност, здрава исхрана и многу физичка активност, Кили се променила до непрепознатливост. Поради слабата фигура и новиот имиџ, дури ни нејзините пријатели не можеле да ја препознаат на фотографиите на Facebook, а наишла на проблем кога се обидела да замине на одмор со нејзиниот партнер, бидејќи цариниците биле збунети од фотографијата во нејзиниот пасош. „Речиси не ме пуштија да отпатувам во Дубаи зашто личноста од фотографијата во пасошот не наликуваше на мене“ – рекла таа.
Фарар сега има здрава телесна тежина од 72 кг и се обидува да им покаже на луѓето дека не треба да се откажат од храната за да ослабат.
„Сега тежам 72 кг, но моето тело изгледа сосема поразлично. Ги стопив мастите на најтврдоглавите места и си го тонирав телото на делови на кои не ни помислував дека можам да го направам тоа. Имам голема страст кон тоа да бидам здрава и да ги правам правилните избори. Сакам другите да видат дека можеш да јадеш (разумно) сè што посакуваш и да постигнуваш резултати“ – вели таа.
„Започнав да слабеам единствено за себе. Навистина верувам дека ако нешто не го посакуваш, нема ни да го постигнеш“ – додава Фарар.
