Добродушна мајка-доилка, која имала многу повеќе млеко отколку што му требало на нејзиното синче, донирала 110 литри за бебињата кои имаат потреба од него.
Ејми Борман од Висконсин, која некогаш работела во Оддел за неонатална интензивна нега, совршено добро знае колку е скапоцено мајчиното млеко, особено за предвреме родените бебиња. Па, кога видела дека има складирано во замрзнувачот многу повеќе млеко отколку што може да консумира нејзиното 6-месечно дете, веднаш знаела што да прави.
По консултации со консултант за лактација, хуманата мајка на две деца донирала 110 литри во Банка за млеко во болница во Висконсин.
„Најголем дел од доилките можат да испумпаат од 60 до 150 мл млеко на едно испумпување и тоа можат да го прават 8-10 пати на ден. Вие направете ја математиката“ – вели Сузан Линдекагел, консултант за лактација.
Ејми, која сè уште го дои својот помал син, е пресреќна што имала шанса да им помогне на предвреме родените бебиња и вели дека тоа било незаборавно искуство. „Тоа беше толку лесен процес и се надевам дека ако и други мајки имаат вишок млеко, исто така ќе го донираат. Вреди да го чувате малку подолго“ – рекла таа.