Доналд Трамп за рака со сопругата Меланија на премиерата на документарниот филм за неа: „Се гордеам“

Доналд Трамп ја придружуваше својата сопруга Меланија на премиерата на документарниот филм „Melania“, одржана во операта на ребрендираниот Центар „Трамп-Кенеди“.

Претседателот на САД ја држеше за рака Првата дама додека чекореа по црниот тепих за да позираат пред насобраните фоторепортери.

Обраќајќи ѝ се на публиката, Меланија нагласи дека филмот не треба да се гледа како класичен документарец.

„Некои го нарекуваат документарец, но не е“ – рече убавата Американка родена во Словенија. 

„Ова е креативно искуство кое нуди перспективи, увиди и моменти“ – додаде таа.

Меланија рече дека успешноста на филмот нема да го мери според бројки, бидејќи за неа, тој веќе е успешен.

„Многу сум горда на филмот. Некои ќе го сакаат, некои не, тоа е нивен избор. За мене, тој веќе е успешен. Многу се гордеам со она што го направивме“ – изјави таа.

„Melania“ го следи периодот од 20 дена околу враќањето на Доналд Трамп во Белата куќа, прикажувајќи ја првата дама низ приватни и протоколарни моменти. Националната премиера е закажана за денес.