„Добро Ми Стои” на изложбата „Жени во занаетчиство“ под покровителство на Елизабета Ѓоргиевска

Деновиве во Кабинетот на претседателот се отвори изложбата „Жени во занаетчиство“ чијшто покровител е сопругата на претседателот, Елизабета Ѓоргиевска.

Настанот претставува женско претприемништво, култура, традиција и уметност на едно место. Поканети се околу 40 ракотворци, членови на занаетчиската комора Скопје, меѓу кои се Морфо, Ан Ју, Арт студио С и други.

Ателјето „Добро Ми Стои” помеѓу останатите свои дела, го претстави и заедничкиот проект „Dreams” во соработка со дизајнерот Зоран Кардула.

Проектот „Dreams” се состои од колекција на накит што вклучува прстен, обетки, брош и алка, а изработени се две варијанти. Една колекција целосно во сребро, а другата во месинг. Нанесената боја е печен емајл.