Доби изненадување од сопругата Зорана, дуваше свеќи, цела публика му пееше „Среќен роденден“: Саша Ковачевиќ славеше во Битола
Саша Ковачевиќ синоќа го прослави својот 41. роденден на концертот во Хераклеја, Битола.
Српскиот пејач доби емотивно роденденско изненадување од сопругата Зорана и нејзината ќерка Искра, која тој ја сака како свое дете.
Неговите најмили се појавија на големиот екран и со насмевка му упатија честитка:
„Среќен роденден. Ти посакуваме да си жив, среќен и здрав 100 години. Жал ни е што вечерва не сме со тебе, но те чекаме. Те сакаме најмногу и едвај чекаме да дојдеш.“
Видно трогнат, Ковачевиќ рече дека не постои поубава честитка и ѝ се заблагодари на публиката во Градот на конзулите за прекрасната атмосфера.
Претходно, присутните го изненадија и со роденденска торта, а додека ја замислуваше својата желба посака само бебето да му е здраво и живо.
„Не знам дали знаете, но за два-три месеци ќе станам татко. Ќе посакам само моето мало бебе да биде здраво, живо и среќно“ – рече пејачот.
Саша и Зорана пред еден месец ја крунисаа својата десетгодишна љубов со брак, а наскоро ќе го добијат и нивното прво заедничко дете.
Искра е ќерка на Зорана од претходна врска, а Ковачевиќ во повеќе наврати истакнал дека ја сака и ја доживува како свое дете.
