Џорџина Родригез деновиве престојува во Кан по повод 79-тото издание на популарниот Филмски фестивал.
На престижната манифестација, вереницата на Кристијано Роналдо ја проследи премиерата на филмот „Fjord“, каде на црвениот тепих зачекори во атрактивно издание со раскошен накит.
За оваа пригода, 32-годишниот модел избра креација од Жорж Хобеика, која совршено ја следеше линијата на телото и ја нагласуваше нејзината фигура.
Фустанот со разголено деколте и богата текстура од тантела внесуваше доза на холивудски гламур, додека долниот дел софистицирано се спушташе до подот. Целиот изглед беше надополнет со луксузен смарагден и дијамантски накит од Шопард, кој внесе драматичен контраст и дополнителен раскош во стајлингот.
Претходно, Џорџина се појави и на настанот „Women in Motion“, каде изненади со нов имиџ и руса коса, со што привлече бројни реакции на социјалните мрежи.
