Џони Деп се преобрази во капетанот Џек Спароу и израдува болни деца во болница во Шпанија

Џони Деп го искористи престојот во Шпанија за да израдува болни дечиња кои мораат да се лекуваат во болница.

61-годишниот актер го облече костумот на капетан Џек Спароу, но не за да снима филм за пиратите на Карибите, туку за да им измами насмевки на најмалите пациенти на Универзитетската болница „Доностија“. Тој разговараше и си играше со дечињата примени на одделите за педијатрија и онкологија.

„Од целиот персонал во Универзитетската болница ‘Доностија’, би сакале да ја изразиме нашата бескрајна благодарност на Џони Деп за неговото време, неговата поддршка и неговата енергија“ – стои во соопштение од болницата.

@usweekly Captain Jack Sparrow is back! Us has exclusive footage of #JohnnyDepp making a very special appearance as his beloved #PiratesoftheCaribbean ♬ original sound - Us Weekly

Деп престојува во Сан Себастијан по повод Филмскиот фестивал кој се одржува таму. Тој ќе го промовира новиот филм „Modi“.