Џиџи Хадид беше уапсена за поседување на марихуана и опрема за дрога на Кајманските Острови. Популарниот модел беше приведен заедно со пријателката Леа Никол Мекарти.
Двете девојки пристигнале на Големиот Кајман со приватен авион и нивниот багаж бил скениран, а потоа и претресен. Пребарувањето резултирало со пронаоѓање на мала ќесичка со марихуана и реквизити за консумирање на дрога.
Откако накратко биле приведени, тие платиле кауција и биле пуштени на слобода. Два дена подоцна, признале дека се виновни пред суд и платиле казна од илјада долари со што избегнале обвинение.
Претставник за јавноста на Џиџи појаснил: „Џиџи патуваше со марихуана легално купена во Њујорк со медицинска дозвола. Легално е користењето на марихуана за медицински потреби на Големиот Кајман од 2017 година. Нејзиното досие останува чисто и таа уживаше во преостанатото време на островот.“
По веста за апсењето, Хадид сакаше да ги увери фановите дека сè е под контрола, па сподели летни фотографии од одморот со пораката: „Сè е добро кога добро ќе се заврши“.
