Џиџи Хадид и Зејн Малик се разделија. 21-годишната манекенка и 23-годишниот пејач по седум месеци заедно одлучија да стават крај на љубовната врска.
Анонимен извор за E! News сподели дека Џиџи и Зејн неколкупати ја имале ставено врската на пауза, но секојпат се смирувале.
Познатиот модел и поранешниот член на One Direction започнаа да се состануваат во ноември минатата година.
„Зејн и Џиџи навистина раскинаа, но има шанси тие да се смират утре. Многу е нејасно тоа што се случува меѓу нив. Тие во изминатиот период имаа проблеми со комуникацијата и разбирањето“ – изјавил друг изворот близок на парот.
Претходно, Хадид беше во врска со пејачот Џо Џонас, а Малик две години беше свршен со пејачката Пери Едвардс со која раскина во 2015 година.