Џесика Симпсон со фотографии сподели дека ослабе над 45 килограми, 6 месеци по раѓањето на третото дете

Џесика Симпсон драстично ослабе по раѓањето на третото дете. 39-годишната американска пејачка и актерка преку фотографии ја покажа големата трансформација.

„6 месеци. 46 килограми надолу. (Да, ја преминав бројката од 109 килограми на вагата). Моето прво патување подалеку од Бирди Мej е емотивно поради многу причини, но горда сум што повторно сум себеси. Дури и кога чувствував дека е невозможно, избирав да работам уште понапорно“ – напиша таа.

Џесика, која се породи во март годинава, не уживаше премногу во бременоста. Многупати таа споделуваше дека има тешка бременост, неколкупати боледуваше од бронхитис, имаше киселини во желудникот, ишијас и потечени глуждови.

Џесика и Ерик се заедно од 2010 година, а стапија во брак во 2014 во Калифорнија. Тие заедно имаат уште две деца. Ќерка им Максвел се роди во мај 2012, додека синот Ејс на 30 јуни 2013 година.