Џесика Бил и Џастин Тимберлејк прославија 10-годишнина од бракот и открија дека ги обновија брачните завети
Џесика Бил и Џастин Тимберлејк пред два дена ја прославија 10-тата годишнина од бракот.
Парот си размени романтични пораки со фотографии на социјалните мрежи. Во приказните на Instagram, Бил откри дека летово си ги обновија брачните завети со Џастин, на истото место каде што се венчаа во 2012 година – Фазано, Италија.
„Од обновувањето на нашите завети ова лето во Италија (и повторно во Џамбатиста Вали)“ – напиша таа.
За прославата во Италија, Џастин носеше светол костум и црни чевли. Тој на Instagram напиша пост посветен на неговата сопруга:
„10 години не се доволни. Ти секој ден ме правиш подобар сопруг и татко. Те љубам прекрасен човеку“.
Брачната двојка има две синчиња - 7-годишниот Сајлас и 2-годишниот Финеас.
