Џесика Алба блесна во две креации на црвениот тепих во Монте Карло, позираше и со принцот Алберт II

Џесика Алба присуствуваше на 59. издание на Телевизискиот фестивал во Монте Карло за да ја промовира својата нова серија „L.A.’s Finest“.

На црвениот тепих, 38-годишната актерка шармираше во две впечатливи креации.

За отворањето на фестивалот, славната филмска ѕвезда избра долг фустан од Прабал Гурунг, кој го надополни со накит од Шопард и сандали од Џузепе Ѕаноти.

Алба позираше и со принцот Алберт II од Монако и со својата колешка од серијата Габриел Јунион.

Следниот ден, Џесика носеше портокалов фустан од колумбиската дизајнерка Силвија Чераси.