Синоќа се одржа премиерата на „Hustlers“ во рамките на Интернационалниот филмски фестивал во Торонто. Џенифер Лопез, која ја има главната улога во филмот, самоуверено зачекори на црвениот тепих во жолто-златен фустан.
Креацијата доаѓа од ателјето на Maison Yeya, а поточно од колекцијата есен/зима 2019, наречена „Lady Chiara Of Oscuro“. Сандалите на Лопез се од брендот Femme, а чантичката со банкноти е дело на Judith Leiber.
Лопез беше во придружба на Алекс Родригез, а на сцената позираше и со своите колешки од филмот, меѓу кои Констанс Ву, Џулија Стајлс и Лили Рејнхарт.
За забавата во хотелот „Four Seasons“ во Торонто, Лопез се пресоблече во бордо фустан и чантичка и салонки во иста нијанса.
