Џенифер Лопез не можеше да ги сокрие емоциите на матурската церемонија на синот Макс.
56-годишната пејачка беше фотографирана додека си ги бришеше солзите на овој важен момент од животот на нејзиниот 18-годишен син, кој успешно го заврши средното образование.
На свеченоста, Лопез блесна во светлозелен цветен фустан, а по доделувањето на дипломата, го прегрна Макс и гордо позираше со семејството.
Покрај неа беа нејзините родители Гвадалупе Родригез и Дејвид Лопез, долгогодишниот менаџер Бени Медина, како и близначката на Макс, Еми, која неодамна си го промени името во Оскар.
Макс и Еми, кои Џенифер ги доби во бракот со бившиот Марк Антони, наскоро ќе заминат на студии далеку од дома, а Лопез призна дека тоа е многу емотивно за неа.
„Плачам веќе два месеци“ – рече Лопез во едно телевизиско интервју, додавајќи дека тешко се помирува со фактот дека близнаците ќе заминат на факултет.
„Ова е емотивен период. Отсекогаш бевме ние тројца. Луѓе доаѓаа и си заминуваа од мојот живот, но тие секогаш беа тука. Едноставно никогаш не мислев дека тие нема да се тука“ – додаде таа.
Сепак, и покрај тагата, таа е неизмерно горда на нивните успеси. Лопез откри дека и двајцата биле примени на сите факултети на кои аплицирале и добиле стипендии.
„Толку сум горда на нив. Поставија цели и ги остварија. Беа примени во сите пет колеџи во коишто аплицираа, двајцата добија стипендии... Работеа многу напорно... тие се добри луѓе“ – изјави таа.
