Џенифер Лопез во невообичаена креација од Тони Матичевски, ја расплака Лејди Гага на сцената
Џенифер Лопез беше меѓу славните гостинки на манифестацијата по повод доделувањето на наградите Women in Hollywood од списанието Elle.
На свеченоста, 49-годишната пејачка и актерка се појави во невообичаена креација од австралискиот дизајнер со македонско потекло Тони Матичевски. Својот изглед, атрактивната музичка ѕвезда го комплетираше со сандали од Џими Чу и прстени од Hearts on Fire.
Лопез со краток говор полн со комплименти ја претстави Лејди Гага, која не можеше да си ги задржи солзите.
„Ти си неверојатна девојка од Њујорк. Те сакам. Навистина те сакам. Ти инспирираш, не само мене, туку инспирираш цела генерација луѓе да ги следат своите соништа“ – рече таа пред да ѝ честита за талентите кои ги покажува во филмот „A Star Is Born“.
На сивиот тепих, Лопез позираше и со својот сакан Алекс Родригез.
Матичевски сподели две фотографии од Лопез на својот профил на Instagram.