Џенифер Лопез ја доби поддршката од Алекс Родригез на настан посветен на шоуто за танцување „World of Dance“, на кое таа е главен продуцент.
48-годишната пејачка ги истакна облините во креација со исечоци и висок шлиц, додека гордо позираше покрај саканиот.
Синиот припиен фустан доаѓа од ателјето на дизајнерот Дејвид Кома. Својот стилски избор, Лопез го надополни со сандали од Џузепе Ѕаноти.
Неодамна Џеј Ло зборуваше за врската со поранешниот спортист. „Јас сум во добра врска. Чувствувам како да можам да го кажам тоа за првпат. Не дека сум немала прекрасни врски, полни со љубов и авантура, но ова е првата врска во која сум била, а во која и двајцата се подобруваме еден со друг. Се надополнуваме и навистина имаме чиста, вистинска љубов. Сакаме да се поддржуваме и да се усреќуваме еден со друг“ – рекла таа.
Џенифер позираше и со колегите Џена Деван-Тејтум и Дерек Хаф.
