Џенифер Лопез и Бен Афлек беа во центарот на вниманието на вечерашната премиера на неговиот нов филм „The Last Duel“ на Филмскиот фестивал во Венеција.
Парот слатко се кикотеше и си разменуваше нежности, а бројните фоторепортери забрзано ја ловеа секоја нивна поза.
52-годишната актерка блескаше во бел фустан со впечатлива декорација од Жорж Хобеика. Нејзиниот стајлинг беше надополнет со накит од Картие и сребрени сандали од Џими Чу.
Ова е прво појавување на двојката на црвениот тепих по обновувањето на нивната романса.
„The Last Duel“ е режиран од Ридли Скот, а главните улоги ги имаат и Мет Дејмон, Адам Драјвер и Џоди Комер.