Во интервју за британскиот весник Guardian, познатиот рапер Џеј-Зи раскажал за мрачните моменти што ги доживеал кога на 12-годишна возраст го застрелал својот брат.
Тој признал дека го застрелал својот повозрасен брат Ерик во рамото затоа што му украл прстен.
Џеј-Зи и неговата сопруга Бијонсе
Иако бил многу мал, Џеј-Зи лесно пронашол пиштол бидејќи во соседството каде што растел имало пиштоли насекаде. „Отидов во нечиј дом, нечија куќа и зедов. Пиштоли имаше насекаде. Не беше потребно да одиш далеку за да најдеш“ – раскажал 40-годишниот рапер.
„Мислев дека животот ми заврши. Мислев дека ќе одам во затвор засекогаш... Беше ужасно. Бев уште дете, бев преплашен“ – изјавил тој за пукањето.
Ерик, кој во тој период бил зависник од дрога, не поднел пријава, а кога Џеј-Зи го посетил в болница тој дури и му се извинил поради тоа што дрогата го претворила во нешто што не е.
Џеј-Зи има пишувано за инцидентот во неговата песна „You Must Love Me“, опишувајќи го настанот преку стиховите „Saw the devil in your eyes, high off more than weed, confused, I just closed my young eyes and squeezed, what a sound, opened my eyes just in time to see ya stumbling to the ground “. Но, сега за прв пат јавно зборуваше за страшниот инцидент од неговото детство.