Џанлука Ваки и Шерон Фонсека го покажаа лицето на ќеркичката Блу Џерусалема.
53-годишниот милионер и неговата 25-годишна девојка снимија фотосесија за HOLA! заедно со бебенцето. Во интервјуто, парот откри дека Блу се родила со расцеп на непцето и дека во иднина ќе треба да ѝ биде направена операција за таа да живее нормален живот.
„Пресреќни сме што конечно можете да ја запознаете Блу Џерусалема. Таа се роди со расцеп на непцето. Нашите души и срце веднаш беа со нашата ќерка, но истовремено и со семејствата кои мораат да поминат низ слична ситуација, бидејќи ова се случува кај 1 од 700 бебиња“.
„Благословени сме што имаме одличен медицински тим за нашето мало девојче и што во иднина тие ќе можат да направат операција за да ѝ помогнат да живее сосема нормален живот“.
„Но, тоа не го можат многу семејства и поради таа причина, одлучивме да ја искористиме оваа можност за да ја подигнеме свеста и да поддржиме фондации кои им помагаат на семејства кои се во ваква ситуација“ – напиша италијанскиот бизнисмен.
Видео
Блу Џерусалема се роди на 27 октомври годинава.