Дали би ја носеле венчаницата од вашата мајка на вашиот специјален ден? Па, зошто да не, кога со одредена модификација, истата може да добие модерен изглед.
Ловел Феј е дизајнерка која им помага на невестите да ги искористат венчаниците кои им се наследство од претходните генерации. Користејќи ги своите вештини, таа ги прекројува фустаните, адаптирајќи ги на новото време.
За некои невести кои ги изгубиле своите сакани мајки, венчаниците имаат сентиментално значење.
„На некои невести кои доаѓаат кај мене мајката им е почината и би им значело сè на светот ако можам да го инкорпорирам фустанот од свадбата на мајка им во нивниот свадбен ден“.
„Сите мои невести со возбуда чекаат да ги видат дизајнерскиот процес на реконструкција на венчаницата која им е наследство. Добиваат можност да претворат ‘нешто старо’ во ‘нешто ново’“ – вели Феј.
„Една невеста дојде кај мене со фустанот на мајка ѝ кој беше извезен. Тоа за мене беше кул, па од него направив комбинезон, кој многу ми се допадна“ – објаснува Ловел за една од своите клиентки.
„Многу е специјално што невестите ми веруваат дека можам да претворам нешто старо во нешто ново. Кога ќе ги видам нивните свадбени фотографии и нивните реакции, навистина мислам дека сум создадена да го правам ова“ – додава таа.
