Девојката која ѝ донираше бубрег на Селена Гомез гордо ја покажа лузната од операцијата во бикини на плажа

Франсија Раиса имаше забавен ден на плажа во Малибу, па папараците не пропуштија да ги уловат тие моменти.

Девојката која ѝ го спаси животот на Селена Гомез донирајќи ѝ бубрег, беше фотографирана во танга бикини додека играше одбојка со пријатели.

На дел од фотографиите се гледаат и лузните на нејзиниот стомак од операцијата за трансплантацијата.

Селена и Франсија беа најдобри пријателки во моментот на трансплантацијата, но подоцна започнаа да кружат шпекулации дека имале одредени несогласувања.

Пред неколку дена, Селена ги поби тие тврдења кога сподели заеднички фотографии и порака за да ѝ го честита роденденот на Франсија.

„Најсреќен роденден на ова посебно човечко суштество. Без разлика каде ќе нè одведе животот, те сакам“ – напиша Селена.

Раиса на Instagram сподели фотографии од својата роденденска прослава.

Трансплантацијата на бубрег ѝ беше извршена на Селена во 2017 година поради лупус.