Слатко и емотивно виде од Босна и Херцеговина го обиколи интернетот и насолзи многу очи.
Млада девојка по име Лејла му приреди незаборавно изненадување на својот татко, кој, како што самата пишува, се борел за својата земја во минатото.
Девојката, која сега живее во Кливленд, му подарила на татко си билети за натпреварите на репрезентацијата на Босна и Херцеговина на Светското првенство во фудбал кое ќе се одржи во САД.
Во описот на видеото на TikTok таа напиша: „Купуваш билети за татко ти да ја гледа земјата која не би постоела ако не се жртвувал тој“.
За да го реализира изненадувањето, Лејла прво направила симболични, „лажни“ билети, бидејќи официјалните сè уште не се продаваат во физичка форма, а потоа му ги подарила на татко си заедно со авионските карти за Сиетл.
Реакцијата на таткото никого не остави рамнодушен. Откако ја отвори кутијата и сфати за што станува збор, не можеше да ги сокрие емоциите и заплака.
@livelovelej The most excited I’ve ever been to give a gift. 🇧🇦⚽️ To my dad who gave everything for his country & even more to his family 🫶🏽#fifaworldcup #bosnia #immigrantparents #surprisegift #halidbeslic ♬ original sound - livelovelej
Видеото за кратко време собра стотици илјади прегледи и десетици илјади лајкови, а коментарите беа преполни со комплименти.
„Ова е прекрасно“, „Ќе навивам за Босна“, „Да ги усреќиме родителите кои ни дале сè“ – се дел од пораките што ги оставаа корисниците.
Репрезентацијата на Босна и Херцеговина ќе настапи во групата Б на Светското првенство, заедно со Канада, Катар и Швајцарија. Првиот натпревар ќе го одигра во Торонто на 12 јуни, по што следуваат дуелите во САД, во Инглвуд и Сиетл.