Девојка импресионираше во „American Idol“ со песна за татко ѝ, кој бил зависник и алкохоличар

Ешлин Радер од Калифорнија со емотивна изведба настапи во музичкото шоу „American Idol“.

21-годишната девојка ја отпеа песната која ја напишала за татко си, кој до пред 2 години бил алкохоличар и зависник од дрога. Сега Брајан и Еш имаат одлични односи татко-ќерка, но тоа не било така отсекогаш.

„Отсекогаш се огледував на него и ужасно многу сакав да бидам татино мало девојче, но татко ми се бореше со зависност уште откако јас бев мала. Тешки дроги, жесток алкохол... па, тој не беше всушност присутен. Посакувам нештата да беа поразлични“ – вели таа во видеото и објаснува дека му опростила на татко си и дека многу го сака.

Брајан е трезен веќе две години, а Еш се гордее што имал смелост да се откаже од зависностите. Нејзината песна е посветена на животот на татко ѝ, кој кој рони солзи додека ја следи изведбата.

Со три „ДА“ од Лајонел Ричи, Кети Пери и Лук Брајан, Ешлин продолжи понатаму во натпреварувањето.