Дева Касел го промени својот имиџ и ги изненади обожавателите. 19-годишната ќерка на Моника Белучи и Винсент Касел шармираше со нова фризура и ноншалантен стајлинг на ревијата на Диор во Париз.
Како бренд амбасадор на Диор, Дева од првиот ред дозна што се криеше во новата колекција висока мода за сезоната есен/зима 2024.
Касел носеше тегет кошула и здолниште со златни детали, а овој моден избор таа го надополни со чантичка и обувки со сламени детали за да постигне полетен изглед.
За време на престојот во Париз, Дева дефилираше на ревијата „Vogue World“, носејќи парчиња токму од архивата на Диор.
