Беше во врска со Џанлука Ваки, погрешно ја прогласија за победничка: Убавата мисица Аријадна Гутиерез се омажи со 20 години постар милионер
Аријадна Гутиерез и Гус Франке си го кажаа судбоносното „Да“.
Колумбиската убавица, која светската јавност ја запозна како прва придружничка на Мис Универзум 2015, стапи во брак со холандски милионер на луксузна свадба во Картагена, Колумбија.
32-годишната мисица ги сподели и првите официјални фотографии од луксузната свадба со 20 години постариот бизнисмен.
Аријадна носеше венчаница со сирена-силуета и тридимензионални цветни апликации, која ја дизајнирал нејзиниот близок пријател, познатиот француски дизајнер Стефан Ролан.
„24-10-2026 🤍 @stephanerolland_paris“ – напиша таа покрај фотографиите од свадбата.
Аријадна го комплетираше изгледот со долг бел вел и впечатлив украс за коса во златна боја. И нејзиниот букет беше необичен, со златни детали кои совршено се вклопуваа со целокупниот изглед.
Аријадна и Гус се венчаа во катедралата „Света Катерина Александриска“, во историскиот центар на Картагена, градот во кој убавицата во 2014 година ја освои титулата Мис Колумбија.
На церемонијата присуствувале околу 150 гости, меѓу кои членови на семејството и блиски пријатели на младенците.
Свадбената прослава, според локалните медиуми, продолжила во луксузниот хотел „Four Seasons“ чиј простор бил украсен со стотици бели цветови и зеленило.
Гутиерез се прослави во 2015 година, кога ја претставуваше Колумбија на изборот за Мис Универзум. Нејзиното име е поврзано со едно од најнеочекуваните финалиња во историјата на натпреварот.
Водителот Стив Харви првично погрешно ја прогласи Аријадна за победничка, по што таа беше крунисана пред публиката. Неколку моменти подоцна, Харви се извини и објави дека вистинската победничка е Пија Алонзо Вуртсбах од Филипини, додека Гутиерез ја освои титулата прва придружничка.
Иако тој момент беше непријатен, Аријадна продолжи да гради успешна кариера како модел, актерка и јавна личност.
Пред да го запознае својот сегашен сопруг, колумбиската убавица беше во врска со италијанскиот милионер кој е и Instagram ѕвезда, Џанлука Ваки.
