Зухаир Мурад е волшебникот кон кого се упатуваат ѕвездите кога сакаат вистински да блеснат на црвениот тепих, тој е дизајнерот кого го контактираат богатите дами кога сакаат импресивна креација без оглед на цената, тој е дизајнерот кој остварува невестински соништа.
За најновата колекција венчаници, Мурад пронајде инспирација во фасцинантната ботаничка градина на Рио де Жанеиро. „Romance in the Botanics“ изобилува со фустани и комбинезони со комплексни везови и декорации како цветови и необични птици.
Либанскиот креатор ја прикажа колекцијата за сезоната пролет 2018 преку црно-бели фотографии направени во Њујорк.
